Vandregudsteneste i Daleteigane 4.mai 2025 kl.11

Tema: Takk og glede
Oppmøte på parkeringa ved Askjellhaugen.
Kle etter vær.
Ta med mat til deg og dine.

Vandrebøn som du kan be høgt eller stilt medan du går: 
Takk, Gud, for livet.
Takk, Gud, for frelse.
Fyll meg med glede.
Lei meg med fred.

Vi skal stoppe 7 gonger langs vegen:
Post 1: Glede i fellesskapet  -  Matteus18,20 og Salme 133,1
Post 2: Den takksame samaritanen  -  Lukas 17,11-19
Post 3: Takkseiing  -  Salme 9,1
Post 4: Del gleda  -  1.Tessalonikarbrev 5, 16-18
Post 5: Gud er trufast  -  Salme 9,10-11, Salme 145,9 og Filiparbrevet 4,6
Post 6: Takk, Gud, for alt du har skapt  -  Salme 139,13-14
Post 7: Syng av glede!  -  Filiparbrevet 4,4 og Salme 9,3
Felles samling når alle er komen fram.
Medbrakt mat.

Vi ber denne bøna saman:
L: Gode Gud, vi takkar deg for naturen og jorda vi går på
A: Vi takkar deg, Gud.
L: For songen frå fuglane og fargane på alt som veks
A: Vi takkar deg, Gud
L: For venner, familie og fellesskap
A: Vi takkar deg, Gud
L: For alt som gjev oss glede
A: Vi takkar deg, Gud
L: For Jesus, vår venn og frelsar
A: Vi takkar deg, Gud
L: Hjelp oss å bære takksemd og glede ut i verda.
A: Vi takkar deg, Gud. Amen.

Vi skal synge desse songane:

"Eg vil gleda meg, eg vil fryda meg"
Salme 9,3 laga av Søndagsskolen Norge

Eg vil gleda meg
Eg vil fryda meg
gleda meg og fryda meg i deg x2
Eg vil lovsynga ditt namn du høgste
Eg vil gleda meg og fryda meg i deg x2